هۆكارەكانی ئازاری ئەژنۆكان وچۆنیەتی ڕێگریكردن لە دروست بوونی:-
ئازاری ئەژنۆ یەكێكە لەو كێشە تەندروستیانەی ڕوبەروی خانمان و پیاوان دەبێتەوە ، چەند هۆكارێك هەیە ئەم ئازارە لە ئەژنۆكاندا دروست دەكات لەوانەش:
1-ئەو كەسانەی كێشیان زۆرە و قەڵەون بەهۆی ئەوەی پەستانی زۆر لەسەر ئەژنۆكانیان دروست دەبێت و زۆر وەستان بەپێوە و ڕۆیشتن و دانیشتن توشی ئەم ئازارەیان دەكات .
2-توشبوون بەئێسكە نەرمە یەكێكی دیكەیە لە هۆكارەكانی دروست بوونی ئازار لە ئەژنۆكاندا .
3-هەوكردنی كڵاوەی ئەژنۆ و ڕۆماتیزمە دەبێتە هۆی دروستبوونی ئازار لە ئەژنۆكاندا و ئەمەش جوڵەی كەسی نەخۆش قورس و ئاڵۆز دەكات .
4-ڕەگەز كاریگەری دەبێت لەسەر ئەم نەخۆشیە ، خانمان زیاتر لە پیاوان ئازار لە ئەژنۆكانیاندا دروست دەبێت .
5-هەوكردنی بەستەرەكانی كڵاوەی ئەژنۆ وادەكات مرۆڤ هەست بە ئازاری ئەژنۆكانی بكات .
6-ئەو كەسانەی دەچنە تەمەنەوە زیاتر توشی ئەم كێشەیە دەبن .
7-جوڵەی ناتەندروست و هەڵە هۆكارە بۆ دروست بوونی ئەم ئازارە لە ئەژنۆدا .
چەند ڕێنماییەكی پێویست لەكاتی دروستبوونی ئەم ئازارە لە ئەژنۆكاندا .
1-دوای ئەنجامدانی ڕاهێنانی وەرزشی ماندووكەر كیسەی سەهۆڵ لەسەر ئەو جومگانەت دابنێ كە بە ئازارەكەی ماندوی كردویت .
2- هەوڵبدە كێشت زیاد نەكات بۆ ئەوەی ئەم كێشەیەت بۆ دروست نەبێت .
3- لەكات و شوێنی كاركردنت زۆر دامەنیشە و ناوبەناو بجوڵێ بۆ ئەوەی ئازار لە ئەژنۆكانتدا دروست نەبێت .
