کەی مناڵ نان بخوا

--- مناڵی ساوا له‌ کام ته‌مه‌ن خواردن بخوات : 

--- پێویسته‌ چی جۆرێ خۆراک بخوات :

--- به‌شی یه‌که‌م :

ـــ مناڵی ساوا له‌ ته‌مه‌نی شه‌ش مانگه‌وه‌ پێویسته‌ خۆراکیان پێ بدرێت ، به‌ڵام هه‌ندێ جاریش پاش چوار مانگی به‌گوێره‌ی توانای مناڵه‌که‌ بۆ خواردن و پێداویستیه‌ خۆراکی یه‌کانی ؛ باشترین ئاماژه‌کانیش بۆ ئه‌وه‌ی بزانیت مناڵه‌که‌ت ئاماده‌یه‌ بۆ پێدانی خۆراک بریتین له‌ :

ـــ مناڵکه‌ ئه‌توانێت سه‌ری به‌ ڕێکی به‌رزکاته‌وه‌ و سه‌ری به‌ ڕێکی ڕابگرێت .

ـــ کاتێ خواردنی لێ نزیک ئه‌که‌یته‌وه‌ ؛ ده‌می ئه‌کاته‌وه‌ یان ده‌ستی بۆ ئه‌بات .

ـــ مناڵه‌که‌ گرنگی ئه‌دات به‌ خواردنی که‌سانی ده‌وروبه‌ری یان هه‌وڵ ئه‌دات تامی بکات .

--- جۆر و بڕی خۆراک به‌ گوێره‌ی ته‌مه‌ن :

۱ ـــ له‌ کاتی له‌ دایک بوونه‌وه‌ تا ٤ مانگ :ته‌نها شیری دایک ۰

۲ ـــ ته‌مه‌نی (  ٤ ـــ ٦ ) مانگ : سریلاکی برنج یه‌که‌م جار ، دواتر سریلاکی شۆڤان یان جۆ : ۱ ــ ۲ که‌وچکی چێشت ڕۆژانه‌ دوو که‌ڕه‌ت ۰

۳ ـــ  ته‌مه‌نی( ٦ ـــ ۸ مانگ ) : 

ـــ سه‌وزه‌ : بگوشرێت و ئاوه‌که‌ی بدرێت وه‌ک ته‌ماته‌و خه‌یار : یان پاک بکرێت و بدرێت له‌ ڕنه‌ و به‌ کوڵاوی بیدرێت : ۲ ــ ۳ که‌وچکی چێشت ڕۆژانه‌ ۰ 

ـــ میوه‌ : بگوشرێت و ئاوه‌که‌ی بدرێت : یان پاک بکرێت و بدرێت له‌ ڕنه‌ : ۲ ــ ۳ که‌وچکی چێشت ڕۆژانه‌ ۰

ـــ شه‌ربه‌تی میوه‌ی سروشتی % ۱۰۰ : باشتره‌ له‌ ماڵه‌وه‌ خۆت ئاماده‌ بکرێت : ۲ ــ ۳ که‌وچکی چێشت ڕۆژانه‌ ۰

ـــ گۆشت : به‌ باشی بکوڵێت و جوان له‌ت بکرێت یان بدرێت له‌ قیمه‌ دوای کوڵاندنی : ۱ که‌وچکی چێشت ڕۆژانه‌

ـــ پاقله‌مه‌نی یه‌کان : به‌ باشی بکوڵێت و جوان له‌ت بکرێت یان بدرێت له‌ قیمه‌ دوای کوڵاندنی : ۱ که‌وچکی چێشت ڕۆژانه‌ ۰

ـــ ئاوی شۆربای برنج و سه‌وزه‌ و گۆشت : ۲ ــ ۳ که‌وچکی چێشت ڕۆژانه‌ ۰

٤ ـــ  ته‌مه‌نی ( ۹ ــ ۱۰) مانگ  :

ـــ زه‌ردێنه‌ی هێلکه‌ : به‌ باشی کوڵا بێت و جوان له‌ت له‌ت کرا بێت ۰

ـــ په‌نیر : جوان له‌ت له‌ت کرا بێت ۰

ـــ ماست : بێ سه‌رتوێژ۰

ـــ میوه‌ی تازه‌ : پاک بکرێت و بکرێت به‌ پارچه‌ی زۆر بچووکه‌وه‌ ۰

ـــ سه‌وزه‌ : پاک بکرێت و بکرێت به‌ پارچه‌ی زۆر بچووکه‌وه‌

ـــ نان : ته‌ڕ و نه‌رم بێت و بکرێت به‌ پارچه‌ی زۆر بچووکه‌وه‌

پێویسته‌ له‌ ئه‌م ته‌مه‌نه‌دا زۆر له‌ مناڵه‌که‌ت نه‌که‌یت بڕێکی زۆر بخوات ؛ کاتی وازی هێنا له‌ خواردن ۰

٥ ـــ  ته‌مه‌نی ( ۱۱ـــ ۱۲ )مانگ :

-- ئیتر ڕێگه‌ به‌ مناڵه‌که‌ ئه‌درێت خۆراکی ئاسایی خێزانه‌که‌ بخوات به‌ مه‌رجێک کوڵاو بێت یان شل بێت و بکرێت به‌ پارچه‌ی زۆر بچووکه‌وه‌ ۰

ڕێگه‌ به‌ مناڵه‌که‌ت به‌ ئاره‌زووی له‌ کام جۆری خۆراکه‌ ؛ ئه‌وه‌ بخوات و هانی مه‌ده‌ که‌ بڕێکی زیاتر بخوات له‌وه‌ی ده‌یه‌وێت .

ئه‌و خۆراکانه‌ی نابێت مناڵ پێش یه‌ک ساڵ بیخوات :

ـــ ئه‌و خۆراکانه‌ی ڕه‌نگه‌ حه‌ساسیه‌ت دروست بکات : وه‌ک سپێنه‌ی هێلکه‌ و مزره‌مه‌نی یه‌ ترشه‌کان و شیری مانگا و که‌ره‌ی فستق عه‌بید ۰

ـــ هه‌نگوین و ئاو و شۆربای گه‌نمه‌شامی ۰

ـــ ئه‌و خۆراکانه‌ی ڕه‌نگه‌ له‌ قورگ بگێرێن و ببنه‌ هۆی خنکان : وه‌ک خواردنی گه‌رم و ترێ و چه‌ره‌س و گویزه‌ر و سێو و شیرینی و گۆشتی نه‌کوڵاو و له‌ت نه‌کراو ۰

ـــ به‌هارات و توونی له‌ خواردن و ترشیات ۰

ـــ خۆراکی زۆر شیرین ۰

دکتۆر کامه‌ران رسوڵ ژاژڵه‌یی 

پسپۆڕی زانستی خۆراک و نه‌شته‌رگه‌ری گشتی