سوربوونەوەی چاو چییە؟ هۆکارەکانی چین...؟ چۆن چارە دەکرێت؟
⬅️زۆر کەس کێشەی سوربوونەوەی چاویان هەیە بەتایبەت بەیانیان دوای هەستان لەخەو ، کە ڕەنگە بەهۆی هەڵامەت و کۆکەوە ڕوبدات یان بەهۆی کەم خەوی و زۆر بەکارهێنانی کۆمپیوتەر و موبایل، بەکارهێنانی عەدەسەی چاو بۆ ماوەیەکی زۆر، وشکی ئاو و هەوا، یان حساسیەت و ئیلتیهاب و نەخۆشی چاو هۆکارن بۆ دروستبوونی حاڵەتەکە.
⬅️بەگشتی سوربونەوەی چاو کاتییە و دوای ماوەیەک نامێنێت ، بەڵام چەند ڕێنماییەک هەیە کە بەسودن بۆ کەمکردنەوەی حاڵەتەکە، لەوانە:
✅شۆردنی دەموچاو بە ئاوی سارد بۆ ماوەی چەن دەقەیەک.
✅بەکارهێنانی سەهۆڵ خرابێتە ناو پارچەیەک پەڕۆوە و لەسەر چاو دابنرێت بۆ چەن دەقەیەک ، یارمەتیدەرە لە کەمکردنەوەی هەڵئاوسانی بۆریەکانی خوێنی چاو.
✅بەکارهێنانی قەترەی چاو کە لەدەرمانخانەکاندا هەیە و تایبەتە بە خاوێنکردنەوە و تەعقیمکردنی چاو.
✅دورکەوتنەوە لەو شتانەی ئەبنە حەساسیەتی چاو و پاراستنی چاوکان لە تەپوتۆز و دوکەڵ و هەوای سارد.
✅زۆر بەکارنەهێنانی TV و موبایل و باش خەوتن، وە ڕەنگە هەندێک لە خانمان بەهۆی میکیاژەوە وایان لێبێت و پێویستە ئاگاداری کوالتی و جۆرەکەی بن.
✅زۆر خواردنەوەی ئاو و خواردنی خۆراکی تەندروست و پڕ ڤیتامین و ئۆمێگا 3 یارمەتیدەرن لە پاراستنی چاوەکان.
⬅️بەگشتی لەماوەی دوو هەفتەدا کەسەکە باش دەبێت بەڵام ئەگەر حاڵەتەکە بەرەو خراپبوون ڕۆشت و باش نەبوو پێویستە سەردانی دکتۆری پسپۆر بکرێت.
