فەحسی ڤایرۆسات

#پشکنینی_بیست_و_حەوتەم

#پشکنینی_ڤایرۆسی_جگەری_جۆری___بی_و_سی

#Hepatitis_Virala_____HBV_and_HCV

دوو جۆر ڤایرۆسن تووشی جگەری مرۆڤ دەبن و دەبنە هۆی لاوازکردن و لەناوبردنی شێوە و فرمانی ئەندامەکە، هەندێ جار توشبووەکە هەڵگری هیچ نیشانەیەک نییە و دەبێتە هۆی توشبوونی کەسانی چواردەوریشی.

#نیشانەکانی_توشبوون_بە_ڤایرۆسۆکان:

هەندێک کەس ڤایرۆسی جگەریان هەیە وهیچ نیشانەیەکیان تێدا دەرنەکەوتووە ،بەڵام دەکرێت تێبێنی ئەمانە بکەین:

1- زەردووی (Jaundice)(کە دەبێتە هۆی زەردبوونی چاو و پێست و تۆخ بوونی ڕەنگی میز).

2- ئازاری گەدە و دڵ تێکەڵاتن و ڕشانەوە.

3- ئازاری سەر و سک.

4- نەمانی ئارەزووی خواردن.

5- بەردەوام هەستکردن بە ماندوێتی.

#چۆنییەتی_گواستنەوەی_ڤایرۆسەکان:

** بڵاودەبنەوە لەڕێگەی بەرکەوتنی وگواستنەوەی خوێن یان بەرکەوتنی شلەیەکی لەشی کەسی توشبووەوە.

** بەهۆی پەیوەندی سێکسی (ئەگەر کەسێکیان توشبووبن).

** لەڕێگەی بەکارهێنانی هەندێک پێداویستی کەسی توشبوو وەکو (دەرزی ، فڵچەی ددان ، گوێزان ، نینۆکبڕ ، هتد).

** لە ڕێگەی تاتۆکردن (کاتێك ئامێری تاتۆکە بۆ کەسانی توشبوو بەکارهاتبێت).

** دایکی سکپڕی توشبوو دەیگوازێتەوە بۆ منداڵەکەی (هەربۆیە زانستی پزیشکی نوێ ئاماژە بە ئەنجامدانی شیکاری ڤایرۆسی بۆ دایکانی سکپڕ دەکات).

تێبینی // بەڵام لەڕێگەی خواردن و خواردنەوە و بەرکەوتن وتەوقەکردن و باوەش و کۆکە و پژمینەوە ناگوێزرێنەوە.

#خۆپاراستن:

** باشترین ڕێگا بۆ خۆپاراستن لەڕێگەی وەرگرتنی ڤاکسینەوە دەبێت ، بەڵام تا ئێستا ڤاکسین بۆ جۆری (HCv) نەدۆزراوەتەوە.

** بەکارهێنانی دەستکێش لەکاتی مامەڵە کردن لەگەڵ توشبوودا.

** بەکارنەهێنانی پێداویستی کەسی توشبوو وەکو( دەرزی ، فڵچەی ددان ، گوێزان ، نینۆکبڕ ، هتد )

* دورکەوتنەوە لە تاتۆکردن و بەکارنەهێنانی ئەو ئامێرانەی کە خوێنی کەسانی تری بەرکەوتووە.

#مەترسی_ڤایرۆسەکان:-

توشبوو ئەگەر چارەسەری خێرا وەرنەگرێت ڕەنگە ببێتە نەخۆشی درێژخایەنی جگەر و بەمۆم بوونی جگەر و هەندێک جار شێرپەنجەی جگەر.

#دەستنیشانکردنی

ڤایرۆسی جگەر لە ڕێگەی چەند ئامێرێکەوە دەست نیشان دەکرێت , گرنگترین ئەو ئامێرانەش بریتین لە (Vidas , Elisa , Tosoh , Cobas e 411 , هەروەها لە ڕێگەی ستریپیشەوە دەستنیشان دەکرێت ) لێرەدا باس لە شێوازی ئەنجامدانی پشکنینەکە دەکەین بە ڕێگەی ستریپ کە ڕێگەیەکی ئاسانە بەڵام زۆر دەقیق نیە

#بەم_شێوەیە_ئەنجامدەدرێت :-

1- سەرەتا خوێن لە کەسەکە وەردەگرین و دەیکەینە ناو تیوبێکی سەر زەردەوە و پاشان Centerfuge دەکەین بۆ دەست کەوتنی Serum (ئاوگ).

2- دواتر درۆپێ لە serum دەکەینە ناو Strip کەوە و لەگەڵ دوو درۆپ لە گیراوەی تایبەت بە پشکنینەکە بۆ ماوەی 10 خولەک چاوەڕێ دەکەین تاکو ئەنجامەکەی دەردەکەوێ .

ئەگەر تەنها هێڵی کۆنتڕۆڵ ( C ) دەرکەوتبوو ئەوا کەسەکە توش نەبوە بە ڤایرۆسەکە . 

بەڵام ئەگەر هەردوو هێڵی تێست ( T ) و کۆنتڕۆڵ ( C ) دەرکەوتن ئەوا کەسەکە توش بوە بە ڤایرۆسەکە.

وە پێویستە لە سەرجەم ئەو پشکنینانەی کە بە Strip دەکرێن هێڵی کۆنترۆڵ ( C ) دەرکەوێت.

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ