&&&هۆشداری بۆ ئه‌و که‌سانه‌ی نه‌خۆشی شه‌کره‌یان هه‌یه :
&&& له‌کاتی لێخوڕێنی ئوتۆمبیل ئاگات له‌م خاڵانه بێت :
&&& بۆ ئه‌و شۆفێرانه‌ی نه‌خۆشی شه‌کره‌یان هه‌یه :
--- ژماره‌ی ئه‌و که‌سانه‌ی تووشی نه‌خۆشی شه‌کره بوون زۆر زیادی کردووه له هه‌مان لێخۆڕینی ئوتۆمبیل بووته پێداویستیه‌کی ڕۆژانه چی وه‌ک پیشه یان وه‌ک هۆکارێکی سه‌ره‌کی هاتووچۆ ۰ به‌ڵام هه‌موو نه‌خۆشێکی شه‌کره پێش لێخوڕینی ئوتۆمبیل پاپه‌ند بێت به‌م ڕێنمیانه بۆ پاراستنی ژیان و ته‌ندروستی خۆی و که‌سانی تریش ۰
&&& ئه‌و نه‌خۆشانه‌ی شه‌کره نابێت ئوتۆمبیل لێخوڕن :
۱ ـــ ئه‌گه‌ر له ماوه‌ی ساڵێک دا دوو جار ( یان زیاتر ) تووشی دابه‌زینێکی زۆری ئاستی شه‌کره بوو به‌ڕاده‌یه‌ک
پێویستی به یارمه‌تی که‌سانی تر و نه‌خۆشخانه و ستاڤی پزیشکی هه‌بوو ۰
۲ـــ هه‌بوونی لێڵی و دابه‌زینی ترسناکی ئاستی بینین له ئه‌نجامی ئاکامه خراپه‌کانی نه‌خۆشی شه‌کره له سه‌ر چاو ۰
۳ ــ هه‌ست نه‌کردن به دابه‌زینی ئاستی شه‌کره له ئه‌نجامی تێک چوون و سستی ده‌ماره‌کان به‌هۆی کاریگه‌ری نه‌خۆشی شه‌کره له سه‌ر کۆئه‌ندامی ده‌مار ۰
&&& کۆمه‌ڵێک ڕێنمیایی گرنگ بۆ نه‌خۆشی شه‌کره :
۱ ـــ پێش لێخوڕینی ئوتۆمبیل پێویسته فه‌حسی شه‌کره بکرێت ۰
۲ ـــ له کاتی لێخوڕینی ئوتۆمبیل بۆ ماوه‌یه‌کی زۆر و ڕێگای دوور و درێژ هه‌موو دوو سه‌عات جارێک پێویسته چه‌ند خوله‌کێک پشوو بدات له‌گه‌ڵ خواردنی خۆراکێکی سووک وه‌ک میوه یان چه‌ره‌س ۰
۳ ـــ هه‌رکاتێک هه‌ستت به دابه‌زینی ئاستی شه‌کره کرد ؛ خێرا بووسته و ده‌ست به‌جێ شتێکی شیرینی وه‌ک نوقوڵ یا نه‌سته‌له یان شه‌ربه‌ت یان کۆلا یان کڵویه‌ک شه‌کر بخۆ و فه‌حسی شه‌کره بکه ئه‌گه‌ر هه‌ر نزم بوو پارچه‌یک شیرینی بخۆ پاش چاره‌کێک فه‌حسی شه‌کره بکه‌ره‌وه ؛ ئه‌گه‌رهه‌ر نزم بوو داوای یارمه‌تی بکه بۆ چاره‌سه‌ر و پێویسته که‌سێکی تر ئوتۆمبیله‌که‌ت لێبخورێت ۰
٤ ـــ له بیرت نه‌چێت هه‌موو جارێک جیهازی فه‌حسی شه‌کره و چه‌ند شتێکی شیرین و ناوی پزیشک و ده‌فته‌ری نه‌خۆشی درێژخایه‌ن تایبه‌ت به نه‌خۆشی شه‌کره و ناو و ژماره‌ی پزیشکه‌ت له‌گه‌ڵ خۆتا بخه‌ره‌وه ناو سه‌یاره‌که‌ته‌وه ۰
٥ ـــ ساڵانه فه‌حسی پزیشکی چاو ئه‌نجام بده و سه‌ردانی پزیشکی چاو بکه به‌پێی پێویست؛ ئه‌گه‌ر چاویلکه‌ت بۆ نوسراوه به‌کاری بێنه ۰
٦ ـــ پاپه‌ند به ڕێنمیایی خۆراک تایبه‌ت به نه‌خۆشی شه‌کره و به‌کارهێنانی ده‌رمان له کاتی خۆی دا ۰
۷ ـــ ئه‌گه‌ر پزیشکه‌که‌ت پێی وتی نابێت ئوتۆمبیل لێبخوڕیت ؛ ئینکاری مه‌که تا هیچ نه‌بێت گیان و ته‌ندروستی هاوڵاتیانی تر نه‌خه‌یته مه‌ترسیه‌وه و کێشه و خه‌م و خه‌فه‌ت بۆ که‌سه خۆشه‌ویسته‌کانت دروست نه‌که‌یت له‌گه‌ڵ پاراستنی ته‌ندروستی خۆت ؛ مه‌ڵێ خۆ من هه‌ر ئه‌مرم یا ئه‌مه که‌ی ژیانه ؛ گرنگه په‌که‌وته نه‌بیت و نه‌بیته بارگرانی بۆ که‌سانی تر ۰
دکتۆر کامه‌ران رسوڵ ژاژڵه‌یی
پسپۆڕی زانستی خۆراک و نه‌شته‌رگه‌ری گشتی
دبلۆم له نه‌خۆشی شه‌کره و ئاکامه‌کانی
&&&& گرنگترین نیشانه‌کانی دابه‌زینی ئاستی شه‌کره :
۱ ـــ هه‌ستکردن به برسیه‌تیه‌کی زۆر
۲ ـــ سه‌رئێشه و گێژبوون و هه‌ستکردن به سه‌ر سووڕانه‌وه
۳ ـــ گۆڕانی له‌کتوپڕی مه‌زاج ؛ دڵته‌نگی یان دڵخۆشی
٤ ـــ دابه‌زینی توانای بینین و چاو ڕه‌ش هاتنه‌وه
٥ ـــ له‌رزین و ئاره‌ق کردنه‌وه و دڵ په‌له په‌ل کردن
٦ ـــ هیلاکی و که‌می ته‌رکیز کردن
