تۆقین

تۆقین (پانیک)

جۆرێکە لە جۆرەکانی نەخۆشی دڵەڕاوکێ، کە تاک دوچاری حاڵەتی ترسێکی لە ڕادەبەدەری کتوپڕ ئەبێت، بەجۆرێک هەست دەکات کۆنترۆڵی خۆی لە دەست ئەدات، و یاخود هەندێ جار ترسێکی وای لا دروست ئەبێت کە دڵی یان هەناسەی ئەوەستێت. حاڵەتەکە لە چەند خولەکێک تێپەڕناکات، و دوای تەواوبوونی نەوبەکەش، نەخۆشەکە ترسی لەڕودانەوەی حاڵەتەکە هەیە، بەجۆرێک کاریگەری نەرێنی توند لەسەر لایەنی ئیش، فرمان، و پەیوەندی کۆمەڵایەتی جێدەهێڵێت.

حاڵەتەکە نیشانەی دەرونی و جەستەیی دەبێت وەک؛

• دڵەکوتێ

• ترسی مردن

• ترسی لەدەستدانی کۆنترۆڵی خود

• هەناسەتەنگی

• هەستی خنکان

• ئارەقکردنەوە

• لەرزین

• ئازارێکی توندی سنگ یاخود گەدە

• هێڵنج دانەوە

• سڕبوون

• سەرگێژخواردن

o نەخۆشیەکە لە ڕەگەزی مێ بە ڕێژەی ٢ بۆ ٣ ئەوەندە زیاترە لە ڕەگەزی نێر. هەروەها، بە ڕێژەی ٢ بۆ ٣ کەس لە سەد کەس تووش دەبن. نەخۆشیەکە دەگونجێت لە هەموو تەمەنێکدا ڕووبدات، بەڵام زیاتر لە بیست و سییەکانی تەمەندا دەردەکەوێت.

o کاتێک حاڵەتی تۆقینەکە لە مانگێکدا چوارحاڵەت یاخود زیاتر بێت بە نەخۆشی پانیک ناوزەند دەکرێت

o بۆ چارەسەری نەخۆشیەکە هەردوو ڕێگای چارەسەری هزری و ڕەفتاری، و یان دەرمان بەکاردەهێنرێت.

د.هێمن فاتح حمەکریم

پزیشکی پسپۆڕی دەرونی