بەستنی شان

فرۆزن شوڵدەر (frozen shoulder ) چی یە ؟؟؟؟

بریتی یە لە بوونی ئازار و ڕەق بوونی جومگەی شان بەشێوەیەکی ھێواش و بەرە بەرە ..بەشێوەیەک دەگاتە حاڵەتێک کەپێ دەوترێت بەستن (frozen ) واتە جام بوونی جومگەکە بە لایەکدا ...

ھۆکارەکانی : 

لە ڕاستیدا ھۆکارێکی دیاری کراو نیە کە ببێتە ھۆی ئەم حاڵەتە ، بەڵام لەوانەیە ڕووبدات لەم حاڵەتانەی خوارەوەدا : 

١- لەکاتی باش نەجوڵانی جومگەکە لەدوای پێکان یاخود نەشتەرگەری لە جومگەکەدا ..

٢- لەکاتی نەخۆشی شەکرە ..

٣-نەخۆشیەکانی غوددە ...

٤- نەخۆشیەکانی دڵ ..

٥- نەخۆشی پارکینسوون ...

٦- ھەندێ لەو دەرمانانەی بۆ نەخۆشی ئەیدز بەکار دەھێنرێت ...

کێ تووشی دەبێت ؟؟؟؟

١- سەروو تەمەن ٥٠ یاخود ٦٠ ساڵ ، بەدەگمەن لە تەمەنی پێش ٤٠ ساڵیدا ڕوو ئەیات .

٢- ژن زیاتر توش ئەبێت لە پیاو ..

٣- ئەو کەسەی لایەکی توش بێت ، لاکەی تریشی لەوانەیە بە ڕێژەی ٣٠٪ تووش بێت ..

شێوازی دەستنیشانکردن : 

١- بە پشکنینی سەریری نەخۆشەکە ، ئەویش بە جوڵانی جومگەکە لەلایەن پزیشکەوەو ھەروەھا لەلایەن نەخۆشەکەشەوە بۆ زانینی ڕێژەی جوڵانی جومگەکە ، 

ھەندێ جار جومگەکە قفڵ دەبێت ..

٢- تیشکی ڕەش و سپی (x ray ) ..

٣ - بەکارھێنانی سۆنەر و ئەشعەی تەنووری (MRI)..

٤- لێدانی دەرزی تایبەت بۆ جومگەکە بۆ باشکردنی جووڵەی جومگەکە و تێبینی کردنی چاکبوونی جومگەکە مانای ئەوەیە کە دەستنیشانکردنەکە تەواوە ...

چارەسەر : 

١- وەرزش کردن بە جومگەکە بەشێوەیەکی گونجاو ..

٢- چارەسەری سروشتی و فیزیایی ...

٣- دەرمان : ئازار شکێنەکان (NSAID) بۆ کەم کردنەوەی ئازار و کەم کردنەوەی ھەوکردن لە جومگەکەدا .

٤- لێدانی دەرزی ستیرۆید بۆ ناو جومگەکە ..

٥- ھایدرۆ دایەلتەیشین : ئەمیش بە پێدانی شوتێک موغەزی بۆ ناو جومگەکە لە ژێر سونەردا ، کە یارمەتی باش بوونی جوڵەی جومگەکە دەدات ...

٦- نەشتەرگەری : ئەمیش لە ھەندێک حاڵەتی دەگمەندا ، کە ھەموو ڕێگاکانی تر سوودی نەبێت ...

د. ھەڤین کمال شاە محمد 

پسپۆڕی بێھۆشکاری و ئازار شکاندن ..

ئەندامی پرۆفیشناڵی ئەکادیمیای ئەمریکی بۆ ئازار شکاندن ..