&&&&& گرنگترین هه‌ڵه باوه‌کانی خواردن له مانگی ڕه‌مه‌زان :
&&&& هه‌ڵس وکه‌وته ناته ندروسته‌کان له کاتی به‌ڕۆژوو بوون ؛
ــــ ڕۆژی مانگی ڕه‌مه‌زان چه‌ندین سوود و بایه‌خی گرنگی هه‌یه بۆ ته‌ندروستی مرۆڤ ؛ به‌ڵام جێگه‌ی داخه له ماوه‌ی چه‌ند ساڵی ڕابردوود کۆمه‌ڵێک خوو و هه‌ڵس وکه‌وت و بۆچوونی هه‌ڵه له ناو زۆرینه‌ی کۆمه‌ڵگای کوردی بڵاو بۆته‌وه که ده‌رئه‌نجامی خراپی هه‌یه بۆ ته‌ندروستی مرۆڤ ۰
&&&&& گرنگترین هه‌ڵه باوه‌کانی خواردن له مانگی ڕه‌مه‌زان :
۱ ـــ هه‌ڵه‌کانی ژه‌می پارشێو ؛
ــــ پارشێو نه‌کردن ؛ پارشێو ژه‌مێکی گرنگه و نابێت پشتگوێ بکرێت و و چه‌ند بتوانرێت ؛دره‌نگتر بخورێت پێش بانگی به‌یانی ۰
ــــ خواردنی بڕێکی زۆر خۆراک به تایبه‌ت خۆراکی چه‌ور و شیرینی و سوێر ۰
ــــ خواردنه‌وه‌ی بڕێکی زۆر ئاو و شله‌مه‌نی به مه‌به‌ستی ئه‌وه‌ی تینووت نه‌بێت له رۆژه‌که‌دا ۰
۲ ـــ هه‌ڵه‌کانی کاتی به‌ربانگ ؛
ــــ خواردنه‌وه‌ی شه‌ربه‌تی گیراوه و خواردنی شیرینی وه‌ک لوقمه‌قازی و شیرینیه‌کانی تر ۰
ــــ خواردنی بڕێکی زۆر خۆراک به تایبه‌ت خۆراکی چه‌ور له ماوه‌یه‌کی که‌م و به په‌له ۰
ــــ پاڵ که‌وتن پاش به‌ربانگ کردنه‌وه ۰
ــــ نه‌خواردنی زه‌ڵاته و سه‌وزه و شۆربا له سه‌ره‌تای به‌ربانگکردنه‌وه ۰
ــــ خواردنی برنج وشله ( به تایبه‌ت برنج سپی ) ڕۆژانه ۰
۳ ـــ نه‌خواردنی میوه به بڕی پێویست له نێوان به‌ربانگ و پارشێو ۰
٤ ـــ خواردن به دیار ته‌له‌فزێونه‌وه ۰
٥ ـــ نه‌جوڵان وسستی ووه‌رزش نه‌کردن پاش ڕۆژوو شکاندن ؛ هه‌روه‌ها ئه‌نجامدانی وه‌رزشی قورس و بۆ ماوی دوور و درێژ له‌کاتی به‌ڕژوو بوون دا ۰
٦ ـــ شه‌ونخوونی و به‌خه‌به‌ربوون له به‌ربانگه‌وه تا پارشێو و خه‌وتن به‌رۆژ ۰
۷ ـــ خواردنی شیرینی ڕاسته‌وخۆ دوای به‌ربانگ ؛ پێویسته دوای دوو سه‌عات بێت و هه‌فته‌ی ( ۱ ــ ۲ ) جار زیاتر نه‌خورێت ۰
۸ ـــ خواردنه‌وه‌ی بڕێکی زۆر چا و قاوه و ئه‌و خواردنه‌وانه‌ی کاڤینیان تێدایه ۰
۹ ـــ خواردنی بڕی زۆر له ترشیات و خواردنێ به‌هاراتی زۆر تیا بێت ۰
۱۰ ـــ ـــ ـــدواترگرنگترین ڕێنمیایی خۆراک بۆ ڕۆژووی مانگی ڕه‌مه‌زان بڵاو ده‌که‌مه‌وه ( پشت به خوا )
دکتۆر کامه‌ران رسوڵ ژاژڵه‌یی
پسپۆڕی زانستی خۆراک و نه‌شته‌رگه‌ری گشتی
