پێویستە لەدوای 40 ساڵیەوە ژنان ئەم پشکنیانە ئەنجامبدەن
ژنان پێویستە لەدوای تەمەنی 40 ساڵیەوە، زیاتر بایەخ بەتەندروستیان بدەن، هەربۆیە ماوە ماوە گرنگە کۆمەڵێک پشکنین ئەنجام بدەن، تا دڵنیابنەوە لەتەندروستی خۆیان و ئەگەر نەخۆشیەک هەبێت، پێش کاتی مەترسیدار چارەسەر بکرێت.
له‌پشکنینەكانیش:
1- پشکنینی مەمک، یەکێکە لەگرنگترین پشکنینەکان، بۆئەوەی ئەگەر توشی شێرپەنجە بوو، پێشوەخت چارەسەر وەربگرێت.
2- پشکنینی منداڵدان، بەهەمانشێوە گرنگە بۆ دڵنیابوون لەبونی خانەی شێرپەنجەیی و بەخێرایی چارەسەرکردنی، یان هەوکردن و بونی هەر نەخۆشیەکی دیکە، هەربۆیە پێویستە ساڵانە یەکجار ئەنجامبدرێت.
3- پشکنینی دڵ و پەستانی خوێن، چونکە نەخۆشیەکانی دڵ زۆر باوە لەناو خانمانی سەروو 40 ساڵ، هەربۆیە گرنگە لەتەندروستی دڵنیابێتەوە.
4- پشکنینی ئێسک و ماسولکەکان، چونکە لەناو ژنانی سەروو 40 ساڵ پوکانەوەی ئێسک زۆر باوە، هەربۆیە دەبێت سەردانی پزیشک بکرێت و چارەسەری پێویست وەربگرێت لەکاتی بونی هەر کێشەیەک.
5- پشکنینی شەکرەو کۆلیسترۆل، کەزۆر گرنگە ساڵانە یەکجار ئەنجامبدرێت، چونکە دوو نەخۆشی زۆر بەربڵاون لەجیهاندا.
