ئاوسانی قاچەکان

#زانیاری...

ئاوسانی پێیەكان (Peripheral Edema)واتە كۆبوونەوەی شلە لەو شوێنەدا،ئەم حاڵەتەش گرفتێكی باوە لەنێو کەسانی  بەساڵاچوودا.لەوانەیە ئاوسان هەردوو قاچەكان بگرێتەوە ،تا دەگاتە رانەكان یش. 

#نیشانەکان کە نابێت پشتگوێ بخرێت

هەر ئاوسانێكی قـاچەكان ئەگەر چـەند نیشانانەیەكی وەكـوو (سینگ ئێشە،كەمبوونەوەی میز،تا، هەروەها هەناسە تەنگی) لەگەڵدابوو، دەبێ کەسی تووشبو بەزووترین كات بگەیەنرێتە لای دكتۆر.

#هۆكارەكانی ئاوسانی قاچەکان

یەک ـ بەپێوە وەستان و دانیشتن بـۆ مـاوەیەكی زۆر ، كێشی زیاد و قەڵەوی، پیربوون، بەدخۆراكی وریجیمی هەڵە، سوتان وخۆربردن، پێوەدانی مێروو، دەوالی قاچەكان.

دوو ـ هەوكردن لە قاچدا، نەشتەرگەری و زەبری بۆ پێیەكان، زیانی لابەلای هەندێك لەدەرمانەکان و ژەهراویبوونی لەکاتی دووگیانیدا، لەوانەشە كە ئاوسانی قاچەكان نیشانەیەك بێت بۆ پەككەوتنی دڵ،گورچیلەكان ،جگەر.

 

#چارەسەركردن لە ماڵەوە 

یەکەم ـ بەرزكردنەوەی قاچەكان لەكاتی پاڵكەوتندا بەرزتر لە ئاستی دڵ. 

دووەم ـ وەرزشكردن بەقاچەكان بۆ هاندانی سوڕی خوێن بۆ كەمكردنەوەی ئاوسان.

سێیەم ـ لەپێکردنی گۆرەوی تایبەت بەم مەبەستە هەروەها كەمكردنەوەی  خوێ لە خۆراكدا. 

#راگەیاندنی :: تەندروستی چەمچەماڵ