قورحە

قورحە:

بریتیە لە داخورانی ناوپۆشی ئەو ئەندامانەی کە قورحەکەی تیادا دروست دەبێت، بۆ نمونە قورحەی گەدە بەمانابی داخورانی ناوپۆشی گەدە و قورحەی دوانزە گرێ بەمانای داخورانی ناوپۆشی دوانزەگرێ کە (بەشی یەکەمی ریخۆڵە باریکەیە).

-

ھۆکارەکانی:

قورحەی گەدە یان دوانزەگرێ دروست دەبێت بەھۆی چەند

ھۆکارێکەوە لەوانە:

١-بەھۆی ئیلتیھابی گەدە یان دوانزەگرێوەیە بەجۆرێک بەکتریا کە پێی دەڵێن ھێلیکۆ بەکتریا کە دەرکەوتوە (٧٠%)ی قورحەی گەدە بەھۆی ئەم بەکتریایەوەیە و (٩٠%)ی قورحەی دوانزەگرێ بەھۆی بوونی ئەم بەکتریایەوەیە.

٢-قورحەی گەدە یان دوانزەگرێ لەوانەدا زۆر بلاوە کە حەبی رۆماتیزم (NSAID) و حەبی ئەسپرین و ڤۆڵتارین و پڕۆفین بەکاردەھێنن.

٣-زۆرجار ھۆکاری بۆماوەیی دەور دەبینێت وەک ئەوانەی کە قورحەیان ھەیە یەکێک لە برا و خوشکەکان یان یەکێک لە بنەماڵکە قورحەی ھەیە.

٤-ئەوانەی کە ماددە کحولیەکان دەخۆنەوە ئەگەری توش بوونیان زیاترە.

٥-جگەرە کێشانیش یەکێکە لە ھۆکارەکان، ئەوانەی جگەرە دەکێشن زیاتر توش دەبن و توشبوەکانیش زیاتر لیان سەر ھەڵدەداتەوە و درەنگ چاک دەبێتەوە.

٦-ھۆکارێکی تر ئەوەیە کە ھاوکێشەیەک ھەیە لەنێوان ترشەڵۆکی گەدە و ناوپۆشی گەدە کاتێک ترشەکە زیاد بکات لەوانەیە ببێتە ھۆی قورحە و جاری واش ھەیە ترشەکە ئاساییە، بەڵام ناوپۆشی گەدە یان دوانزەگرێ بێھێز دەبێت بەھۆی چەند نەخۆشیەکەوە وەکو ئەوانەی توشی جەڵدەی دەماغ بوون یان شکاوی و سوتاوی کە بۆ ماوەیەکی زۆر لە جێگادا دەمێنێتەوە ئەمەش زیاتر توشی قورحەی گەدەیان دەکات.

-

گرنگترین نیشانەکانی بریتین لە:

١-ئازاری سک و بەشی سەرەوەی باسک لەکاتی بوونی قورحەی دوانزە گرێدا ئازارەکەی بە برسێتی زیاد دەکات و لەکاتی تێربوون یان کەم خوارد ئازارەکەیی کەم دەبێتەوە یان نامێنێت و ھەندێکجار لە نیوەشەودا بە ئازارەکەی بەخەبەر دێت، ھەرچی قورحەی گەدەیە برسێتی یان نان خواردن کارناکاتە سەر کەم کردنەوەی ئازارەکەی.

ئازاری گەدە جار بەجار سەرھەڵدەدات و بۆ ماوەیەکی کەم باش دەبێت و پاشان سەر ھەڵدەداتەوە.

٢-رشانەوە و دڵ تێکەڵاتن.

٣- کەم بوونەوەی خواردن و نەخۆشەکە توشی نەزیفی مەعیدە دەبێت و رشانەوەکەی وەکو قاوەی لێدێت یان پیساییەکەی رەش دەبێت و جاری وا ھەیە توشی سەرگێژ خواردن و بوورانەوە یەت.

-

دەسنیشانکردنی نەخۆشیەکە:

دەسنیشانکردنی نەخۆشیەکە بە دوو رێگا دەبێت:

١-نازوری مەعیدە یان دوانزەگرێ کە ئەمە زۆر گرنگە (١٠٠%) دەتوانێت نەخۆشیەکە دەستنیشان بکات و پارچەی لێوەردەگرێت بۆ تاقیکردنەوە.

ئەوانەی قورحەی دوانزەگرێیان ھەیە دوای نازور و دەرمان پێویست بەنازوری تر ناکات، بەڵام ئەوانەی قورحەی گەدەیەکان ھەیە لەوانەیە قورحەکەیان سەرەتانی بێت یان بگۆڕێت بۆ سەرەتانی.

٢-گرتنی ئەشیعەی رەنگاورەنگ: ئەمەیان تۆزێ گرانترە، بەلام بۆ نەخۆش ئاسانترە و ئازاری نیە، بەڵام بە رێژەی (٨٠%) دەتوانێت دیاری بکات و ناتوانرێت پارچەی لێوەربگیرێت.

ماکەکانی ئەم نەخۆشیە:

١-خوێن بەرببونی گەدە یانم دوانزەگرێ و رشانەوەی نەخۆشەکە خوێنی تیا دەبێت یان پیساییەکەی رەش دەبێت.

٢-کون ببونی ناو ریخۆڵە.

٣-گیرانی کۆتایی گەدە کە لەوانەیە پێویست بە نەشتەرگەری بکات.

#بةهيواي سوود