بەکتریای مەعیدە

🔴 ️ بەکتریای گەدە چییە؟

( بەکتریای گەدە H.Pylori )

✔ هــــــەموو شتێک دەرباری بەکتریایی گەدە ‼

✔ نیشانەکان و خۆپارەستن لەم بەکتریاییە ‼

✔ کۆڕسەکانی چارەسەرکردنی بە دەرمان‼

‌ئەم حاڵەتە زۆر بەر بڵاوە و ڕێژەیەکی زۆری خەڵک هەیانە و زۆر جار بە خۆیان نازانن چونکە هێشتا کاریگەری دروست نەکردووە.. ئە گەر بۆ چەند ساڵێک ئەو بەکتریایەت هەبێت و چارەسەر وەرنەگریت وردە وردە ئەیکات بە قرحەی گەدە ئەم بەکتریایە پێی ئەوترێت

( ‌Helicobacter Pylori )

ئەم بەکتریایە لەناوپۆشی گەدە دروست ئەبێت و ئەچێتە ناو توێژاڵی لینجایی گەدەوە ... وا لە گەدە ئەکات وردە وردە ئەو لینجاییە لەدەستبدات و ڕێگە خۆش ئەکات بۆ سوتانەوەو سوربوونی بەشێک لەچینی ناوەوەی گەدە و ئینجا دوای ماوەیەک وای لێ دێت ئەیکات بە برین ئیتر دوای ماوەیەك بە شێوەیەک بەرەو خراپی ئەچێت کە کەسەکە لەگەڵ ڕشانەوە خوێن هەڵئەهێنێت.... 

🔺  رێگەکانی توشبوون: 

 نەخۆشییەکە لەڕێگەی پیسایی، دەم و دەستەوە دەگوازرێتەوە، ئەمەش کاتێك کەسێك دەستی بەم بەکتریایە پیسبووبێت، یان کەسەکە خۆراکێکی پیسبوو بەم بەکتریایە بخوات، ئەوا مەترسی تووشبوونی هەیە. 

.

🔺 نیشانەکانی بوونی بەکتریایی گەدە :

① زیادبوونی غازات و سک ئاوسان .

② هێڵنج و ڕشانەوە .

③ زیادبوونی قرقێنە.

④ نەمانی ئیشتها و زوو تێر بوون .

⑤ دابەزینی کێش.

⑥ ناخۆش بوونی بۆنی هەناسە.

⑧ ئازاری سەر گەدە.

⑨ هەستکردن بە ئازار لە قۆڵنج.

⛔ ️ مەترسدییەکانی بوونی بەکتریای  H. pylori لە گەدە:

بڵاوترین ئەو نەخۆشییانەی کە بەکتریای گەدە دروستییان دەکات بریتین لە برینی گەدە، ھەوکردنی گەدە و شێرپەنجەی گەدە ئەگەر بۆماوەیەکی درێژخایەن بەردەوامبێت و چارەسەر نەکرێت.

✔  خۆپاراستن لە بەکتریای گەدە:

باشترین رێگەی خۆپاراستن بریتییە لە گرنگیدان بە پاکوخاوێنی ئاو و خۆراک. دووربوون لە خۆراکی کۆن، دەستگێڕ و زۆرخواردنی خۆراکەخێرا سەرکراوەکان. 

🔵 ڕێگاکانی دەستنیشانکردنی بەکتریاکە لە گەدە .

گرنگترین ڕێگاکانی دەستنیشانکردنی بەکتریایی H. pylpri بریتین لە: 

① پشکنینی پیسایی .stool antigen.

② پشکنینی لەڕێگەی ھەناسەوە Urea breath test.

③ پشکنینی خوێن serology.

🔷  چارەسەری بەکتریای گەدە بە دەرمان:

چارەسەری پزیشکی بریتییە لە وەرگرتنی کۆرسی دەرمان کە پێکدێت لە دەرمانی کەمکردنەوەی ترشەڵۆکی گەدە و برینی گەدە ، لەگەل دوو دەرمانی دژە بەکتریای جیاواز کە لە سەرەتادا بۆ ماوەی ١٠-١٤ رۆژ بەکاردێت، دوای ئەو ماوەیە پێویستە پشکنینی دڵنیابوون لە لەناوچوونی بەکتریاکە ئەنجامبدرێت کە دوای چوار ھەفتە دەکرێت.

🔸 من لێرەدا سێ کۆڕسی چارەسەری بەکتریای گەدە H. Pylori که زۆربەی دکتۆرەکان پەیڕەوی دەکەن پێتان دەناسێنم :-

کۆڕسی یەکەم :- ناسراوە بە Pylokit یان Gastrokit لەم دەرمانانەی خوارەوە پێک دێت :

① Clarithromycin 250 mg 

② Tinidazole 500 mg 

③ Lansoprazole 30 mg

کۆڕسی دووەم :- لەم دەرمانانەی خوارەوە پێک دێت :

① Amoxicillin 1000 mg

② Levofloxacin 500 mg

③ Esomeprazole 20 mg

کۆڕسی سێیەم :- لەم دەرمانانەی خوارەوە پێک دێت :

① Amoxicillin 1000 mg 

② Clarithromycin 500 mg

③ Esomeprazole 20 mg 

④ Domperidone 10 mg 

⛔ ئاگاداری:-️ کەسێک کە بیەوێت پشکنین بکات، ڕێنمایی دەکرێت بەوەی کە بۆماوەی دوو ھەفتە ھیچ دەرمانێکی گەدە و بۆماوەی چوار هەفتە ھیچ دەرمانێکی دژە بەکتریا بەکارنەھێنێت.

بەهیوای سوود.

#Aram_Nariman