هەوکردنی میزەڕۆ

🔴 هەوکردنەکانی میزەڕۆ .

‏( Urinary Tract Infections )

ئامادەکردنی ( Aser S. Pharmacist )

✔ هەموو شتێک دەربارەی هەوکردنەکانی میزەڕۆ .

✔ ئەو دەرمانانەی زۆر دەنوسرێ بە ئەم حاڵەتە.

پ/ هەوکردنەکانی میزەڕۆ بەمانای چی دێت ؟

وەڵام/ هەوکردنەکانی میزەڕۆ هەوکردنەکانی ڕێڕەوی میز دەگرێتەوە کە بریتین لە :-

① گورچیلەکان.

② ڕێڕەوی میز.

③ میزڵدان و بۆڕی میز  و پڕۆستات لە پیاواندا.

🔴 هەوکردنەکانی میزەڕۆ پۆلێندەکرێن بۆ دوو جۆر :-

🔹 یەکەم: هەوکردنەکانی سەرو واتە هەوکردنی گورچیلەکان.

🔹 دووەم: هەوکردنەکانی خوارو واتە هەوکردنەکانی بۆڕی میز و پڕۆستان و میزڵدان.

🔴 نیشانەکانی هەوکردنی میزڵدان چین؟

① ئازار لە بەشی خوارەوەی سکدا .

② بە زەحمەت میزکردن و بوونی ئازار و زورانەوە لەکاتی میزکردندا .

③ بوونی کێم و خوێن لەناو میزدا.

④ زۆربەی کات هەوکردنی میزڵدان بەرربوونەوەی پلەی گەرمی لەگەڵدا نیە.

🔴 ئەو نەخۆشیانە چین لە نیشانەکانیاندا لە هەوکردنی میزڵدان دەچن؟

① هەوکردنی زێ  بەهۆی کەڕوو.

② هەوکردنەکانی بۆڕی میز.

③ هەوکردنەکان بەهۆی ڤایرۆسەوە.

④ بەرکەوتنی شتێکی قورس .

پ / هەوکردنی میزڵدان چۆن دەناسرێتەوە ؟

وەڵام/ بە دواداچونی نیشانەکان گومانمان لە لا دروست دەکەن بۆ بوونی هەوکردنی میزڵدان، بەڵام بۆ دڵنیاکردنەوە پێویستە پشکنین بۆ میز بکرێت کە بوونی خڕۆکە سپیەکانی خوێن دەردەخات و چاندنی میز کە جۆری بەکتریا توشخەرەکە دەردەخات. لە هەندێک حاڵەتدا پزیشکەکان پەنادەبەن بۆ گرتنی وێنەی تیشکی و ئەمەش بۆ پێویستی دیاریکردنی شوێنی گیران یان تەسکبوونەوە لە ڕێڕەوەکانی میزدا.

🔴 نیشانەکانی هەوکردنی گورچیلە چین؟

① بەرزبونەوەی پلەی گەرمی لەش.

② دڵتێکهەڵهاتن و ڕشانەوە و ئازاری لا تەنیشتی ناوەڕاستی سک.

پ / هەوکردنی گورچیلە چۆن دەناسرێتەوە ؟

وەڵام/ لە سەرەتادا گومان بەهۆی بوونی نیشانەکانی و دواتر  بۆ دڵنیاکردنەوە ئەنجامدانی چەند پشکنینێکی دیاریکراوی خوێن کە بەرزبوونەوەی ژمارەی خڕۆکە سپیەکان دەردەخات، پشکنینەکانی میز کەبوونی خڕۆکە سپیەکان و سورەکان دوپاتدەکاتەوە.

🔴 چارەسەری هەوکردنی ڕێڕەوەکانی میز چیە؟

بە بێگومان چارەسەری بنەڕەتی بۆ هەوکردنی ڕێڕەوەکانی میز دژەزیندەگیەکانە ، بەڵام دیاری کردنی جۆری دژە زیندەگیەکە پەیوەستە بە شوێنی هەوکردنەوە ، بەشی سەرو یان بەشی خواروی ڕێڕەوەکانی میز، بە پێی بەکارهێنانی پێشوی دژەزیندەگی ، دواتر هەستیاری میکڕۆبە توشخەرەکە بۆ ئەم دژەزیندەگیانە.

 

🔴 هۆکارە یارمەتیدەرەکان چین لە دەرکەوتنی هەوکردنی ڕێڕەوەکانی میز:-

① پەیوەندیە سێکسیەکان.

② بەکارهێنانی هەندێک ڕێگەی مەنع کردن لە منداڵبوون.

③ کەمی ڕێژەی ئۆکسجین.

پ/ ماوەی چارەسەرکردن چەندە لە هەوکردنی ڕێڕەوەکانی میزدا؟

وەڵام / ماوەی چارەسەرکردنەکە دەگۆڕێت بە گۆڕانی شوێنی هەوکردنەکە، 

① ماوەی چارەسەری هەوکردنی میزڵدان و بۆڕی میز ۳ تا ۷ ڕۆژە .

② ماوەی چارەسەری هەوکردنی گورچیلە ۲ هەفتە دەخایەنێ.

🔵 ئەم دەرمانانە زۆر دەنوسرێ بۆ هەوکردنی میزەڕۆ و گورچیلە و میزڵدان (Urinary Tract Infections) :-

‏① Suprax Capsule 400mg  ( Cefixime )

‏② Bactiflox Tablet  500mg ( Ciprofloxacin )

‏③ Batrim forte Tablet  960mg ( sulfamethoxazole + Trimethoprim)

‏④ Nigram 500mg Tablet ( Nalidixic acid ) 

‏⑤ Uvamin 100 mg Tablet ( Nitrofurantoin )

‏⑥ Cefodox 200mg Tablet ( Cefpodoxime )

بەهیوای سوود

#Aram_nariman