پاراستنی مناڵ

دایک و باوک سێ ئەرکی سەرەکییان هەیە بەرامبەر مناڵەکانیان:

۱- دابینکردنی پێداویستیەکانیان 

۲- پەروەردەیەکی باش

۳- پاراستنیان لە هەموو مەترسییەک

له وەرزی خوێندندا ناو ماڵەکانمان پڕ ئەبن لە قەڵەم، ژێر قەنەفە و پشتی دەرگا و ناو کەوانتەر و هەموو شوێنێک قەڵەمی تیا فڕێ ئەدرێ، هەندێ کات مناڵ ئەچێت بۆ قوتابخانە و قەڵەمی پێ نیە، چونکە هەمووی لە کون و قوژبنی ماڵەکەیا بەجێ ماوە. مناڵی دوو ساڵ بۆ پێنج ساڵیش زۆر حەز بە بەکارهێنانی قەڵەمی خوشک و برای گەورە ئەکەن، بە تایبەت بۆ وێنەکێشان. 

ئەوەی ئەرکی دایک و باوکە ئەوەیە هەوڵ بدەن هیچ قەڵەمێک بەجێ نەمێنێ و مناڵی گەورە فێربکەن ئاگایان لە جانتا و شتومەکی قوتابخانەیان بێت.

ئەگەر مناڵ ویستی وێنە بکێشێ باشترە خۆتان لەگەڵیان بن و ڕێگە نەدەن لەو کاتەدا یاری و ڕاوڕاوێن بکەن.

ئەگەر حاڵەتێکی نەخوازراو ڕوویداو و قەڵەم چوو بە شوێنێکی مناڵەکانتان، باشتر وایە قەڵەمەکە دەرنەهێنن و بە خێرایی  بیگەیەننە نزیکترین نەخۆشخانە.

بەهیوای سەلامەتی بۆ سەرجەم مناڵان و دایک و باوکیشیان.

هاوپێچ : وێنەی مناڵێک قەڵەمێک چووە بە چاو و مێشکیدا، بەڵام خۆشبەختانە نەشتەرگەری بۆ کراوە و بەبێ زیانێکی ئەوتۆ ڕزگاری بووە.

دکتۆر ماکۆک محمد

پسپۆڕی نەشتەرگەری و نەخۆشیەکانی چاو

Makok Muhamad

7/12/2018