&&&& دابه‌زینی فشاری خوێن ( زه‌غت ) و گرنگترین هۆکاره‌کانی :
&&&& نیشانه‌کانی و شێوازی چاره‌سه‌رکردنی :
ــــ ئاستی ئاسایی فشاری خوێن ( زه‌غت ) ( ۱٤۰/۸۰ ) داده‌نرێت ؛ و نیشانه‌کانی دابه‌زینی زه‌غت کاتێ به شێوه‌یه‌کی به‌رچاو ده‌رده‌که‌وێت که که‌متر بێت له ( ٦۰ /۹۰ ) چونکه ده‌بێته هۆی بێبه‌ش بوونی مێشک و ئه‌ندامه سه‌ره‌کیه‌کانی تر له ئۆکسجین و مادده خۆراکیه‌کان ؛ له ئه‌نجام دا کۆمه‌ڵێ کێشه‌ی ته‌ندروستی لێ ده‌که‌وێته‌وه ۰
&&&& گرنگترین هۆکاره‌کانی دابه‌زینی فشاری خوێن :
۱ ـــ دابه‌زینی فشاری خوێن به هۆی شوێنه‌وه ؛ له پڕ هه‌ستانه سه‌ر پێ دوای ماوه‌یه‌کی زۆر له دانیشتن و پاڵکه‌وتن ۰
۲ ــــ وشک بوونه‌وه‌ی له‌ش له ئه‌نجامی نه‌خواردنه‌وه‌ی شله‌مه‌نی پێویست دوای له ده‌ست دانی بڕێکی زۆر له له‌لایه‌ن له‌شه‌و به هۆی ئاره‌ق کردنه‌وه و هتد ۰
۳ ـــ حه‌ساسیه‌تێکی به‌هێزی کتوپڕ ؛ بۆ نموونه دوای پێوه‌دانی دووپشک و مار ۰
٤ ـــ له کاتی سکپڕی دا ۰
٥ ـــ نه‌خۆشی سستی غوده‌ی ده‌ره‌قی و نه‌خۆشی پارکنسۆن و نه‌خۆشی ئه‌دیسۆن و هه‌ندێ جۆری شێرپه‌نجه ۰
٦ ـــ حاڵه‌تی شۆکی که‌می قه‌باره‌ی خوێن : له ئه‌نجامی له ده‌ست دانی ( % ۲۰ ) یا زیاتری خوێنی له‌ش به هۆی نه‌زیفی داخلی یان نه‌زیفی خاریجی یان سووتانی زۆره‌وه ۰
۷ ـــ سک چوون و ڕشانه‌وه‌ی زۆر و به‌رده‌وام ۰
۸ ـــ که‌مخوێنی درێژخایه‌ن به‌هۆی که‌می ڤیتامین ( B12 ) و ئاسن و ڤۆلیک ئه‌سید ۰
۹ ـــ نه‌خۆشی ماسولکه‌کانی دڵ وه‌ک ناڕێکی لێدانی دڵ و زه‌بحه‌ی دڵ و جه‌ڵته‌ی دڵ ، هه‌روه‌ها جه‌ڵته‌ی سیه‌کان ۰
۱۰ ـــ نه‌خۆشی گرانه‌تا و نه‌خۆشی هه‌وکردنی خوێن ۰
۱۱ ـــ دابه‌زینی فشاری خوێن دوای نان خواردن ۰
۱۲ ــــ به‌کارهێنانی هه‌ندێ ده‌رمان وه‌ک ده‌رمانی زه‌غت و لازکس و هه‌ندێ ده‌رمانی خه‌مۆکێ ۰
۱۳ ــــ ژه‌هروای بوون به مادده‌ی کلۆر و ئه‌سیتۆن ۰
۱٤ ــــ دابه‌زینی ئاستی شه‌کره‌ی خوێن ۰
۱٥ ـــ هۆکاری بۆماوه‌یی ۰
&&&&& شێوازی چاره‌سه‌رکردنی دابه‌زینی فشاری خوێن ( زه‌غت ) :
۱ ـــ ده‌ست نیشان کردنی هۆکاری دابه‌زینی فشاری خوێن و چاره‌کردنی به پێی توانا ۰
۲ ـــ خواردنه‌وه‌ی بڕی پێویست له ئاو و شله‌مه‌نی و له‌گه‌ڵ بڕێکی زیاتر له خوێی چێشت ( بۆ ماوه‌یه‌کی دیاری کراو ) ۰
۳ ـــوه‌رگرتنی موغه‌زی له ڕێگه‌ی خوێنه‌وه ۰
٤ ـــ وه‌رزش کردن و جووڵه‌ی به‌رده‌وام و خواردنی ته‌ندروست و بڕی پێویست له مادده خۆراکیه گرنگه‌کان ۰
٥ ـــ به‌رز کردنه‌وه‌ی قاچ ؛ یان دانیشتن و سه‌ردانه‌واندن و خستنی له نێوان هه‌ر دوو قاچ دا ۰
٦ ـــ گۆڕینی ئه‌و ده‌رمانانه‌ی زه‌غت داده‌به‌زێنن له ڕێگه‌ی پزیشکه‌وه ۰
۷ ـــ هه‌ستانه سه‌رپێ و دانیشتن دوای پاڵ که‌وتن به هێواشی ۰
۸ ـــ به‌کارهێنانی هه‌ندێ ده‌رمان بۆ به‌رزکردنه‌وه‌ی فشاری خوێن له ڕێگه‌ی پزیشکه‌وه ۰
دکتۆر کامه‌ران رسوڵ ژاژڵه‌یی
پسپۆڕی زانستی خۆراک و نه‌شته‌رگه‌ری گشتی
