بۆچی ژنان شیری خۆیان ناده‌ن به منداله‌َكانیان ؟
كاریگه‌ری شیری قتوو له‌سه‌ر كه‌سایه‌تی مندال و هه‌لچوونه‌كانی چین . ؟
بۆچی هه‌ندێ مندال مه‌مكی دایكیان ناگرن ؟ كه‌چی زۆر به‌خیرایی هۆگری مه‌مۆله‌َ و شیری قتوو ده‌بن ؟
سوده‌كانی شیرپێدانی سروشتی دایك له‌سه‌ر ته‌ندروستی دایك و مندالان چین ؟
ئه‌گه‌ر له هه‌ر كه‌سێكی خوێنده‌وار یا نه‌خوێنده‌وار بپرسی شیری دایك باشترو به‌سود تره بۆ مندال یاخود شیری قتوو ناسروشتی , به‌دلنیایه‌وه هه‌موان ده‌ڵین شیری دایك , به‌لام هۆی چییه زۆرینه‌ی زۆری خه‌لك پشتیان له شیری دایك كردوه و شیری قتوو ده‌ده‌ن به منداله‌كانیان , مه‌سره‌فیكی زۆریش له كرینی شیه‌كه‌ش سه‌رف ده‌كه‌ن . به‌لام..
ئایه بۆچی ژنان شیری خۆیان ناده‌ن به‌منداڵه‌كانیان ؟
1. ژنان خۆ له ئازاری شیرپێدان به‌دور ده‌گرن .
2. دایكان له‌ترسی تێكچوونی له‌ش و لارو جه‌سته‌یان شیر به‌منداله‌كانیان ناده‌ن .
3. شیرینی و به‌تامی شیری قتوو , بۆیه مندالان زوو هۆگری شیری قتوو ده‌بن و واز له‌شیری دایكیان ده‌هێنن .
بۆچی منداڵ مه‌مكی دایكان ناگرن و زووتر مه‌مۆڵه ده‌كرن .
لیكۆلینه‌وه زانستیه‌كانی بواری گه‌شه‌ی منالان ئاماژه‌یان به‌و هۆكاره كردووه كه بۆچی مندال له‌سه‌ره‌تاوه له مه‌مكی دایكیان وه‌رز ده‌بن و حه‌زیان به‌شیری دایك نایه‌ت و زه‌فزی مه‌مك گرتنه‌كه‌ی دایكیان ده‌كه‌ن , پێیان وایه به‌هۆی ئالۆزی بارودۆخی ده‌روونی دایك به تایبه‌تی ئه‌و دایكانه‌ی كه به‌نه‌شته‌رگه‌ری منداله‌كانیان بووه , باودۆخی ده‌ونیان جێگر نابیت له هه‌فته‌كانی سه‌ره‌تای منداڵ بوونیان بۆیه گۆرانكاری به‌سه‌ر شیری دایك دادیت و شیره‌كه‌ی تێك ده‌چێت بۆیه مندالان مه‌مكی دایكیان ناگرن و به شیره‌كه رازی نین ,........
هه‌روه‌ها زانایانی ئه‌و بواره ئامۆژگاری دایكان ده‌كه‌ن له‌سه‌ر گرنگیدان به بواری ته‌ندروستی ده‌روونی جه‌سته‌یی خۆیان , و زۆر په‌نا بۆ نه‌شته‌رگه‌ری نه‌به‌ن له كاتی مندال بوون ته‌نها له بارودۆخی نائاسایی و پێویست نه‌بێت .
هانی دایكان ده‌ده‌ن تا ده‌توانن شیری خۆیان بده‌ن به‌منداله‌كانیان , له‌به‌ر ئه‌وه‌ی شیری دایك كاریگه‌ری ده‌بێت له‌سه‌ر :
1. له‌سه‌ر كه‌سایه‌تی مندال و هه‌لچوونه‌كانی تیۆری ( الامن الانفعالی) ( ئاسایشی هه‌لچون ) كه ئاماژه به سه‌رچاوه‌ی ئاسایشی ده‌روونی مندال ده‌كات به‌هۆی شیر پیدانی دایك به ته‌واوی و ده‌بێته هۆی ئه‌وه‌ی له گه‌وره‌یی و به‌تایبه‌تی له‌كاتی هه‌رزه‌كاری ئه‌و كه‌سه‌ی به شیری دایك گه‌وره بووبێت له گه‌وره‌یی كه‌سێكی هاوكارو گونجاو باش ده‌بیت له‌گه‌ل دایك و باوك هاوریكانی .
2. گه‌شه‌ی كه‌سایه‌تی منداڵ
3. ده‌بیته هۆی ئالوگۆری سوزو خۆشه‌ویستی له نیوان دایك و منداله‌كه , كاریگه‌ری هه‌یه له‌سه‌ر گه‌شه‌ی سۆزداری و زمان و گه‌شه‌ی كۆمه‌لایه‌تی و هاوسه‌نگی ده‌روونی بۆ منداله‌كه .
4. هه‌روه‌ها دراسه زانسته‌ی په‌روه‌رده‌یی و ته‌ندروستیه‌كان ئاماژه‌یان به پیوستیه‌كی سروشتی مندال كردوه , ئه‌ویش ئه‌وه‌یه مندال حه‌ز ده‌كات چاو ببرێته چاوی دایكی و به‌مه‌ش مندال هه‌ست به ئاسوده‌یی ده‌روون ده‌كات .
5. مندالان له دوو سالی یه‌كه‌م گه‌شه‌ی ژیری معریفیان به‌هیز ده‌بێ , بۆیه پێویشته له‌دوو ساله‌دا زۆر گرنگی به شیردانی بدرێت به‌تایبه‌تی شیری دایك .
6. هه‌روها شیردان به منداڵ دایكان ده‌پارێزێ له نه‌خۆشی( شێرپه‌نجه‌ی مه‌مك ) , به‌گوێره‌ی راپۆرته‌كانی ریكخراوی ته‌ندروستی جیهانی ریژه‌ی توش بوان به شیرپه‌نجه‌ی مه‌مك (80%) ئه‌و دایكانه‌ن كه شیری خۆیان ناده‌ن به منداڵه‌كانیان .
بۆیه تكایه دایكانی ئازیز له پێناو سه‌لامه‌تی خۆتان و منداله‌َكانتان هه‌وڵ ده‌ن شیری خۆتان بده‌ن به منداله‌كانتان . ره‌نگه زۆرینه‌ی ژنان بڵێن شیرمان تێدا نییه‌و به‌شی منداله‌كه‌مان ناكات .. راسته له‌سه‌ره‌تادا ریژه‌ی شیره‌كه كه‌مه به‌لام دواتر به‌گوێره‌ی پیوستی منداله‌كه زیاد ده‌بێت , جا بۆ ئه‌وه‌ی شیری دایك كه‌م نه‌كات به‌رده‌وام بیت له شیردان به منداڵه‌كه‌ت پێویسته هه‌موو دوو سعات جارێك شیر به‌منداله‌كه‌ی بده‌ی بۆ ماوه‌ی شه‌ش مانگ , دواتر ده‌كری گرنگی زیاتر به‌خۆت بده‌ی بۆ ئه‌وه‌ی شیره‌كه‌ت كه‌م نه‌كات هه‌ندێ به‌هێزكه‌ر به‌كاربهێنی كه له نۆرینگه‌كان ده‌ست ده‌كه‌وێ , یاخود خواردنی به‌سودو به‌هیز بخوی بۆ ئه‌وه‌ی هه‌م خۆتی پێ به‌هێز بێت هه‌م شیره‌كه‌ی پێ زیاد بكات .
هه‌روه‌ها بۆ ئه‌وه‌ی مندال هۆگری شیری دایكی بێت و په‌یوه‌ستی سۆزداری له‌گه‌ڵ دایكی نه‌پچرێ پێوسته تا شه‌ش مانگی یه‌كه‌م دایك شیری خۆی بدات به‌منداڵه‌كه‌ی , ئه‌گه‌ر تا ئه‌و كاته به‌رده‌وام بێت ئه‌وه شیری دایك ره‌ت ناكاته‌وه به‌لكو شیری قتوو ره‌ت ده‌كاته‌وه .
به‌هیوای ته‌ندروستیه‌كی جه‌سته‌یی و ده‌روونی بۆ دایكانی ئازیزو جگه‌رگۆشه‌كانیان ده‌خوازین
ریكخراوی رێنمایی ده‌روونی و خێزانی
