نەخۆشی كۆلێرا چییە
جۆرێكە لە بەكتریا كە تووشی مرۆڤ دەبێت ئەم بەكتریایە ناوی (vibro cholera) یە و لە شێوەی فاریزەدایەو چەند جۆرێكی هەیە ، یەكێك لەجۆرەكانی دەبێتە هۆی دروست بوونی نەخۆشی كولێرا ، ئەم بەكتریایە ئەگەر لە خۆراك یاخود ئاوی ناتەندروستدا هەبوو ئەوا كەسەكە تووشی ئەم نەخۆشییە دەكات .
چ كەسانێك تووشی ئە م نەخۆشییە دەبن؟
ئەوكەسانە تووشی نەخۆشی كولێرا دەبن كە ئاو یاخوود خۆراكی پاك و تەندروست ناخۆن ، كەسێكیش بەرگری لەشی كەم بێت بەرامبەر بە نەخۆشییەكە تاڕادەیەك ئە گەری تووشبوونی بە نەخۆشیەكە دەبێت ، بەڵام كەسێك خۆی بەدوور بگرێت لە خواردن و خواردنەوە نا تەندروستەكان ئەوا لەشێكی تەندروست و ساغی دەبێت.
نیشانەكانی نەخۆشی كۆلێرا كامانەن؟
نیشانەكانی كەسانی تووش بوو بە نەخۆشی كۆلێرا بریتیە لەوەی كەسی توشبوو پیساییەكەی لە شێوەی ئاودا دەبێت واتە ڕوون دەبێت و ڕشانەوە و لێدانی دڵی زیاتردەبێت و پەستانی خوینیشی دادەبەزێت ، هەروەها كەسی توش بوو لە ئەنجامی لە دەستدانی شلە مەنی و ماددە كانزاییەكان لەشی ووشك دەبێتەوە و هەست بە بێ هێزی دەكات.
چی بكرێت بۆ خۆپاراستن لە نەخۆشی كۆلێرا ؟
پێویستە سەرچاوەی ئاوی پاك بۆ خواردنەوە بەكاربهێنرێت ، هەروەها ئاوی پاك بەكاربهێنرێت بۆ خواردەمەنییەكان و شوشتنی ددان ، ئەگەر ئاوی پاك بە دەست نەكەوت پێویستە كلۆر بكرێتە ئاوەكەوە یان بكوڵێنرێت ، پاك ڕاگرتنی دەست و شوشتنی بە ئاو و سابوون ، نەخواردنی خواردنی سەر عارە بانەكان و خواردنی سەر دا نەپۆشراو باشترین هۆكارن بۆ خۆپاراستن لەنەخۆشی كۆلێرا.
