شێرپەنجەی پڕۆستات

شێرپەنجەی پرۆستات

هەموو ساڵێك لەزۆربەی ووڵاتاندا مانگی 11 تەرخان دەكرێت بۆ هۆشیاركردنەوەی شێرپەنجەی پیاوان، بەتایبەتی شێرپەنجەی پرۆستات.

 

ڕژێنی پڕۆستات بەشێكە لەكۆئەندامی زاوو زێ لەڕەگەزی نێرینەدا، قەبارەكەی هێندەی گوێزێك دەبێت و دەكەوێتە پێش ڕێكە و لەژێر میزەڵدان دایە، كارەكەی بریتییە لە دروست كردنی دەردراوێك، كە سپێرم دەتوانێت تێیدا بجوڵێت.

 

كێ توشی نەخۆشی شێرپەنجەی پڕۆستات دەبێت؟

1- تەمەن، لەگەڵ چونە تەمەنەوە ئەگەری توشبوون زیاد دەكات.

2- نەتەوە، ئەفریقی-ئەمریكی ئەگەری توشبوونی زیاترە بە ڕێژەی 60٪ بەڵام لەنەتەوەكانی ئاسیا ڕیژەی توشبوون كەمترە.

3- بۆماوەیی، دوو كەسی توشبوو لەخێزاندا ئەگەری توشبوونت پێنج هێندە زیاد دەكات. ئەگەر زیاد لەسێ كەسی توشبوو لەخێزانەكەت دا هەبێت بەدڵنیایی توشی شێرپەنجەی پڕۆستات دەبیت.

4- شێوازی ژیان، قەڵەوی، جگەرە كێشان، خواردنی خۆراكی چەور و كەمی جوڵەی جەستە.