برینی گەدە

نیشانەکانی برینی گەدە

هەندێک کەس تووشی برینی گەدە دەبن و ئەمەش دەبێتە هۆی ئازارێکی زۆر و بەردەوامی ناوچەی سک.

برینی گەدە ئەگەر پشتگوێ بخرێت ئەگەری هەیە دیواری گەدە لەناوببات و ببێتە هۆی کون بوونی، یان دەبێتە هۆی خوێن بەربوونی گەدە کە ئەمەش زیانێكی گەورەی تەندروستی بە کەسی تووشبوو دەگەیەنێت.

لێرەدا ئاماژە بە هەندێک نیشانەی تووشبون بە برینی گەدە دەکەین

1  ئازاری سک 

بوونی ئازار لە ناوچەی سکدا، بەتایبەت لە نێوان سنگ و ناوپەنچکدا دەکرێت نیشانەی برینی گەدە بێت، ئەم ئازارە زیاتر وەک شەپۆلێکی سوتانەوە بە سکدا دێت و دەچێت.

2  ڕشانەوە

بەهۆی تێکچوونی هاوسەنگی ئەنزیمەکانی هەرس، کەسی تووشبوو هەست بە هێڵنجدان و ڕشانەوە دەکات، بەتایبەت بەیانیان ئەو کاتەی گەدە بەتاڵە.

3  قورسی سک 

برینی گەدە دەبێتە هۆی هەست کردن بە قورسی ناوچەی سک، وەک ئەو هەستەی لە دوای خواردنەوەیەکی زۆری ئاوەوە دروست دەبێت.

4  نەبوونی ئارەزووی خواردن 

ئەو ئازارە زۆرەی گەدە کە تووشبوانی برینی گەدە هەیانە دەبێتە هۆی لەدەستدانی ئارەزووی خواردن.

5  برسییەتی بەردەوام

هەستکردن بە برسێتی بەردەوام یەکێکە لە نیشانە دیارەکانی برینی گەدە، لە ڕاستیدا ئەمە برسیەتی نییە، بەڵکو ئازاری برینی گەدەیە کە بەهۆی زیادبوونی ئەنزیمەکانی هەرسەوە دروست دەبێت.

6  دابەزینی لەناکاوی کێش 

بەهۆی لەدەستدانی ئارەزووی خواردنەوە بەشێوەیەکی ئاسایی کەمبونەوەی کێش دروست دەبێت و زۆر کات کەمبوونەوەی کێش زۆر نائاساییە.

7  گۆڕانی ڕەنگی پیسیایی

ڕەنگی پیسایی کەسی تووشبوو بە برینی گەدە دەکرێت بەراورد بە ڕابردووی بگۆڕێت و هەندێک کاتیش خوێنی تێدا دەردەکەوێت.

لەکاتی هەستکردن بەهەریەک لەو نیشانانەی سەرەوە بە خێرایی سەردانی پزیشکی پسپۆڕ بکە بە مەبەستی پشکنین.