میز بەخۆداکردنی شەوان لە منداڵان (التبول الليلي اللاارادي Nocturnal Enuresis)
زۆربەی مندالان لە تەمەنی ٥ ساڵی شەوان دەتوانن کۆنترۆڵی میزکردن بکەن واتە میز بەخۆدانەکەن، پێش ئەو تەمەنە میز بەخۆداکردن بە شەو بە ئاسایی دادەنرێت.بەڵام پاش تەمەنی ٥ سالی لە ١٥-٢٠% ی مندالان لە کاتی خەوتن بە خۆنەویستانە خۆیان تەڕ دەکەن.
چەند ھۆکارێک لەوانەیە ھۆکاربن وەک:
١-هۆکاری دەروونی:- وەکو لێدان و ترس و دڵەڕاوکێ، کێشە لە نێوان دایک و باوک، لەدایک بوونی مناڵێکی نوێ لەخێزانەکەی، چوونە قوتابخانە بۆ یەکەم جار، گواستنەوەی ماڵ لە شوێنێک بۆ شوێنێکی تر......
٢ـ دواکەوتنی پێگەیشتنی کۆنترۆلکردنی میزلدان ( میزلدانی شلە لەناو خەلک وا باوە).
٣-بچوکی قەبارەی میزلدان ( ئەو مندالانە لە شەو میزێکی زۆر دەکەن و زیاترە لە توانای میزلدان ).
٤- خەوی گران ( ئەو مندالانە بە قوولی-بەگرانی- دەخەون و کاتێک میزلدانیان لە شەو پڕ دەبێت ھەستی پێناکەن و میز
٥- ھۆکاری بۆماوەیی-جینی:-( واتە یەکێک لە باوان یان مندالاکانی تر وابوونە) . وە چەند ھۆکاری تریش.
ھەڵبەتە خۆتەڕکردنی شەوان فشارێکی دەروونی بۆ مندال و باوان درەست دەکات بەلام جێگای مەترسی نیەو لەگەل کات بەرەو چاکبوون دەچن و باش دەبن،
بۆ دەستنیشانکردنی ئەو حالەتانە پێویستە سەردانی پزیشک بکرێت بۆ ئەوەی ھۆکارە ئۆرگانیەکان جیابکرێتەوە .
چارەسەرکردن:
١- پێویستە فشار نەخرێتە سەر مندال و سەرزەنشت نەکرێت.
٢- دوو سەعات پێش نووستن نابێت شلەمەنی زۆر بخورێتەوە.
٣ـ پاش سەعات ٣ دوای نیوەڕۆ ئەو خواردنەوانەی (کافاین)یان تێدایە نەخورێتەوە وەکو چا و قاوە و خواردنەوە گازییەکان.
٤-منداڵەکە پێش نووستن دەبێت میز بکات.
٥- دۆشەکی نووستنی تایبەتە کاتێک مندالەکە لەشەو میز دەکات دۆشەکەکە زەنگ لێدەدات و مندالەکە بە ئاگا دێت.
٦-چارەسەر کردن لەڕێگای داو و دەرمان .
لەش ساغیتان هیوای ئێمەیە.
زور سوپاس بۆ دکتور نجات پسپوری نه‌شته‌رگه‌ری منداڵان بۆ ئه‌م بابه‌ته جوانه
