نیشانه‌كانی شێرپه‌نجه‌ی مه‌مك..
شێرپەنجەی مەمك یەكێكە لەو نەخۆشیانەی ساڵانە بەهۆیەوە ژماریەكی زۆر لە خانمان لە سەرتاسەری جیهاندا گیان لەدەست دەدەن ، ڕەنگە هەموو خانمان ئاگاداری تەواوی ئەو نیشانە و ماكانە نەبن كە كاتی توشبوون بەم نەخۆشیە دەردەكەوێت ، ئەم گرتە ڤیدۆییە بە تەواوەتی نیشانەكانی توشبوون بەن نەخۆشییە ڕون دەكاتەوە و خانمان دەتوانن سوودی لێ ببینن هەتا بە زوترین كات بتوانن چارەسەر وەربگرن و هۆشیاری تەندروستیان هەبێت لەسەر ئەم بابەتە .
1- گەورەبوونی قەبارەی مەمك یەكێكە لە نیشانەكانی توشبوون بەشێرپەنجەی مەمك و ئەم گەورە بوونە لەدوای دروستبوونی لوو لە سنگدا دروست دەبێت و نائاساییە .
2- ڕەق بوونی مەمك بەتایبەت ناوچەی دەوری مەمكە ڕژێنەكان و ئەمەش كاتێك هەستی پێدەكەیت كە پەستان دەخەیتە سەر ئەم بەشە .
3- گۆرانكاری لە شانەكانی پێستی دەوری گۆی مەمك بە تەواوەتی هەستی پێدەكرێت و دەبینرێت .
4- سووربونەوەی پێستی دەوری گۆی مەمك یەكێكی دیكەیە لە نیشانەكانی توشبوون بەم نەخۆشییە .
5- گۆی مەمك بەناوا دەچێت و شلەیەكی ڕەنگ زەرد و جیاواز لە گۆی مەمكەوە دێتە دەرەوە .
6- گرێ و هەڵئاوساوی لەژێر باڵەكان دروست دەبێت و ئەمەش بە دەستلێدانی ئاسایی هەستی پێدەكەیت .
7- ئازار لە مەمكدا دروست دەبێت بەجۆرێك بچوكترین بەركەوتن ئازاری كەسی نەخۆش دەدات .
ئێستا دوای ئەوەی تەواوی نیشانەكانی توشبوون بەشێرپەنجەت زانی ئەگەر هەست بە نیشانەیەك یان چەند نیشانەیەك دەكەیت ، پێویستە سەردانی پزیشك بكەیت بۆ ئەوەی پشكنینی پێویستت بۆ بكات هەتا دڵنیا بیت لە سەلامەتی تەندروستیت .
