مایەسیری

مایەسیری:

.

بریتییە لە ئاوسانی خوێن هێنەرەکانی کۆم

.

 دوو جۆری ھەیە:

جۆری یەکەم: لە بەشی ناوەوەی کۆم دێت و کەسەکە زۆربەی کات ئازاری نییە

جۆری دووەم: لە بەشی دەرەوەی کۆم دێت و  کەسەکە زۆربەی کات ئازاری هەیە

.

نیشانەکانی مایەسیری:

١-خوێن هاتن لە کاتی پیسایی کردن

٢-خورشت لە دەوروبەری کۆم

٣-ئازار و ناڕەحەتی لە کۆم

٤-ئاوسانی کۆم

٥-هەبوونی گرێ لە كۆم

* بە گشتی مایەسیری بەشی ناوەوەی کۆم تەنها خوێن بەربوونی لەگەلەو نیشانەکانی تری لەگەل نییە

.

هۆکارەکانی:

١-ئەو کەسانەی زۆر زەخت لە خۆیان ئەکەن لە کاتی پیسایی کردن

٢-ئەو کەسانەی بۆ ماوەیەکی درێژ لە سەرئاو ئەمێننەوە

٣-سکچوون یان قەبزی بۆ ماوەیەکی درێژ

٤-قەڵەوی

٥-ئافرەتی دووگیان

٦-ئەو کەسانەی لە کۆمەوە سێکسیان لەگەل ئەکرێت

٧-ئەو کەسانەی کەم ئەو خۆراکانە ئەخۆن کە ڕیشاڵی فایبەریان زۆر تیایە

.

ئەگەر پشت گوێ بخرێت ئەگەری هەیە ئەمانەی لێ بکەوێتەوە:

١-کەم خوێنی 

٢-نەچوونی خوێن بۆ ئەو بەشەو پەیدابوونی ئازارێکی بەھێز

٣-ھەوكردن

.

خۆپاراستن:

١-خواردنی ئەو خۆراکانەی کە ڕیشاڵی فایبەریان زۆر تێدایە وەک سەوزە و میوە

٢-زۆر ئاو خواردنەوە

٣-کاتی پیسایی کردن پەستان مەكە

٤-هەر کات پێویستت بە سەرئاو بوو دوای مەخە

٥-وەرزشکردن

٦-زۆر لە سەرئاو مەمێنەرەوە

٧-ئەنجام نەدانی کاری سێکسی لە ڕێگەی کۆمەوە کە جگە لە مایەسیری کاریگەری مەترسیداری زۆرە

٨-لەسەر شوێنی ڕەق و سارد دامەنیشە

‏