ڕیخۆڵە کوێرە

#ڕیخۆڵە_کوێرە { appendix }

#هەوکردنی_ڕیخۆڵە_کوێرە  چیە؟

       { appendicitis }

ڕیخۆڵەکوێرە ئەندامێکی گیرفانی شێوە پەنجەییە کە لە ڕیخۆڵە گەورەوە درێژ دەبێتەوە و نزیکەی

{ 5cm - 10cm }

دەبێت درێژییەکەی...

* هەوکردنی ڕیخۆڵە کوێرە : بریتییە لە هەڵئاوسان و گەورە بوونی ئەم ئەندامەی جەستە و هەوکردنی ، کە لە لای خۆمان بە  (ڕیخۆڵە کوێرە ) ناسراوە کە لە ڕاستیدا ئەمە ناوی ئەندامەکەیە ...

* هۆکارەکانی ;

گیرانی ئەم ئەندامەی لەش بەهەر هۆکارێک بێت وەک 

( پیسایی کە لە ڕیخۆڵە گەورەدا هاتوچۆ دەکات  ، یان گەورەبونی گرێیەکی لیمفی ناوسک کە دەبێتە هۆی پەستان خستنەسەر ئەم ئەندامە و گیران و هەوکردنی لێدەکەوێتەوە ...

* نیشانەکانی ; 

1- دەست پێکردنی ئازار لە ناوەڕاستی سک ( دەورو پشتی ناوک ) ئازارەکە دێت و دەڕوات ، ئەکرێت بەردەوام نەبێت .

2- دواتر نەمانی ئازارەکە لە شوێنی یەکەم و چونی بۆ خوار کەلەکەی سک بەشی لای ڕاست و بەردەوام بوونی ئازارەکە لێرەدا کە بە کۆکە یان پەستان خستنەسەری ئەو شوێنە یان قاچ جوڵان  و پیاسەکردن ئازارەکە زیاد دەکات .

پێویستە ئاگادار بین و دەرمانی ئازار شکێن نەخۆین لەم کاتەدا تا پزیشک نەخۆشەکە دەبینێت ، چونکە لە ئەگەری نەمانی ئازارەکە و درەنگ خستنی چارەسەری هەوکردنی ڕیخۆڵە کوێرەکە ، لەوانەیە مانەوەی هەوکردنە ببێتە هۆی تەقانی ڕیخۆڵەکە و خراپتر بوونی باری نەخۆشەکە .

3 - هەبوونی چەند نیشانەیەکی تری لاوەکی وەک ;

- تێکچونی حەزی خواردن .

-هێڵنج و ڕشانەوە دوای دەست پێکردنی ئازارەکە .

  - هەستکردن بە لاوازی جەستە و هەندێک کات سکچوون .

- بەرزبونەوەی پلەی گەرمی لەش .

* دەستنیشان کردنی : 

بۆ دەست نیشانکردنی پێویستە سەردانی پزیشکی شارەزا بکرێت ، چونکە نیشانەکانی هەوکردنی ڕیخۆڵە کوێرە لە زۆر نەخۆشی تر دەچێت وەک { هەوکردنی میزەڕۆ ، نەخۆشی ڕیخۆڵە ، منداڵی دەرەوەی منداڵدان ، لە ئافرەتاندا کاتی هێلکەدانان کە دەکاتە 14 یەم ڕۆژی سوڕی مانگانەیان ) زۆر کات ئازار لە هەمان شوێندا دەبێت .

* پزیشک هەڵدەستێت بە ئەنجامدانی ؟؟

1 - پشکنینی فیزیکی {سەیرکردن } : پشکنینی سکی نەخۆش بۆ دەستنیشان کردنی شوێنی دروستی هەوکردنەکە.

2- ناردنی بۆ چەند پشکنینێک :

- میز بۆ دڵنیا بوونەوە کە هەوکردنی میزی نیە.

- خوێن

-سۆنار

چارەسەر :

زۆربەی حاڵەتەکان پێویستی بە نەشتەرگەرییە ، دوای پێدانی دەرمانی ئازار شکێن و دژە هەوکردن و حازرکردنی نەخۆش بۆ عەمەلیات .

*خۆپاراستن :

- هیچ ڕێگایەکی دڵنیا کەرەوە نیە بۆ خۆپاراستن لەم نەخۆشییەکە .

-پێشبینی کراوە کە کەمترە لەوکەسانەی کە سەوزە و میوەی زۆر بەکاردەهێنن لە خوارنەکانیانا .

تێبینی : هەوکردنی ڕیخۆڵە کوێرە ئەگەر بە زوویی چارەسەر نەکرێت لەوانەیە ببێتە هۆی تەقینی ڕیخۆڵە کوێرەکە بەهۆی بەردەوامی لە هەوکردن و هەڵئاوسانی ئەم ئەندامە.

چارەسەرەکەی : کردنی نەشتەرگەری بەپەلە بۆ لابردنی ڕیخۆڵەکە و پاکردنەوەی ناوسک و پێدانی دەرمانی دژە هەوکردن بۆماوەیەکی درێژتر .

تەندروست بن .

مژدە محمد - پزیشکی گشتی  پلە بەند