&&&& سڕ بوونی ده‌ست و قاچ :
&&&& هه‌ست کردن به مێروله‌کردنی ده‌ست و قاچ :
&&&&& گرنگترین هۆکاره‌کانی و شێوازی چاره‌سه‌رکردنی :
---- به‌شی یه‌که‌م :
--- سڕ بوونی ده‌ست و قاچ و هه‌ست کردن به مێروله‌کردنی ده‌ست و قاچ و ته‌زوو هاتن پێان دا کۆمه‌ڵێک نیشانه‌ن به ته‌نها یان به‌یه‌که‌وه ده‌بنه هۆی بێزارکردنی نه‌خۆش و ڕێگری ده‌که‌ن له ئه‌نجام دانی کاروباری ڕۆژانه‌ی ئه‌و که‌سه له‌گه‌ڵ تێکچوونی خه‌و و خه‌به‌ر بوونه‌وه ۰
&&&& گرنگترین هۆکاره‌کانی :
۱ ـــ بوونی فشار له سه‌ر ده‌ماره‌کانی ده‌ست و قاچ به هۆی :
---- ئینزلاقی فه‌قه‌رات( دیسک ) ۰
---- بوونی فشار له سه‌ر ده‌ماره‌کانی ناو بڕبڕه‌کانی پشت به هۆی نه‌خۆشیه‌کانی تری فه‌قه‌رات یان دروست بوونی کیس یان شێرپه‌نجه یان کۆبوونه‌وه‌ی خوێن دوای زه‌بر که‌وتن به بڕبڕه‌کانی پشت ۰
---- بوونی فشار له ناو مێشک به هۆی دروست بوونی کیس یان شێرپه‌نجه یان کۆبوونه‌وه‌ی خوێن دوای زه‌بر که‌وتن به سه‌ر ۰
---- جه‌ڵته‌ی مێشک ( سه‌کته )
---- بوونی فشار له سه‌ر ده‌مارێکی دیاریکراو له ده‌ست یان قاچ : بۆ نموونه کۆنیشانه‌ی کاڕپه‌ڵ تێندن له ده‌ست دا ۰
۲ ـــ نه‌خۆشی شه‌کره : ته‌نانه‌ت ئه‌گه‌ر به باشیش کۆنتڕۆڵ کرابێت ۰
۳ ـــ نه‌خۆشیه‌کانی تر :
--- نه‌خۆشی گورچیله : سستی گورچیله یان وه‌ستانی گورچیله ۰
--- نه‌خۆشیه‌کانی دڵ و خوێنبه‌ره‌کان :سستی دڵ یان ته‌سک بوونه‌وه‌ی خوێنبه‌ره‌کان ۰
--- نه‌خۆشی شه‌قیقه ۰
--- سستی غودده‌ی ده‌ره‌قی ۰
--- تێک چوونی هۆرنه‌کانی له‌ش ۰
--- کێشه‌ی کۆئه‌ندامی لیمڤاوی : له‌گه‌ڵی دا ئه‌و شوێنه ده‌ئاوسێت ۰
---- قه‌له‌قی و دڵه‌ڕاوکێ ، خه‌مۆکی ،هستریا ۰
---- بوونی هه‌وکردن له ناو خوێن : وه‌ک ڤایرۆسی ( EB) ( CMV )، ئایدز ۰
---- نه‌خۆشیه‌کانی کۆئه‌ندامی به‌رگری :وه‌ک ڕۆماتیزمی جومگه‌کان ، گورگه ، نه‌خۆشی گۆلیان بێری ۰
---- که‌مخوینی زۆر یان به‌رده‌وام ۰
---- هه‌ندێک نه‌خۆشی بۆماوه‌یی ۰
٤ ـــ که‌می ڤیتامین و کانزاکان به تایبه‌ت : ڤیتامین ( B1 ) , ( B6) ( B12) , ( Niacin) ) ، مه‌گنسێوم ۰
٥ ـــ زۆر به‌کارهێنانی ده‌ست و قاچ ؛ وه‌ک زۆر به‌کارهێنانی مۆبایڵ و کۆمپیوته‌ر ؛ یان مه‌کینه‌ی درومان ۰
٦ ــ هیلاکی ۰
۷ ـــ زۆر خواردنه‌وه‌ی مادده کحوله‌یه‌کان ، جگه‌ره کێشان ، نێرگه‌له کێشان ۰
د ۰ هه‌ڤین که‌مال شاه محمد
پسپۆڕ له زانستی ئازار و به‌نج
شاره‌زا له چاره‌سه‌ری فه‌قه‌رات بێ نه‌شته‌رگه‌ری
