#زانیاری...
سست بوونى دڵ Heart failure نه‌خۆشیه‌كى زۆر باوه، هه‌موو جۆره نه‌خۆشیه‌كى دڵ له‌وانه‌یه ببێته هۆى سست بوونى دڵ، له هۆیه سه‌ره‌كیه‌كانى سست بوونى دڵ:-
#هۆکارەکانی سست بوونى دڵ:-
یەک ـ نەخۆشی به‌رزبوونه‌وه‌ى فشارى خوێنه، و نه‌خۆشى ته‌سكبوونه‌وه‌ى خوێنبه‌ره‌تاجیه‌كانى دڵ.
دوو ـ هه‌ندێك جار سست بوونى دڵ له ئه‌نجامى نه‌خۆشى درێژخایه‌نى سنگه‌وه رووده‌دات وه‌كو (هه‌وكردنى درێژخایه‌نى بۆریه‌كانى هه‌ناسه).
#نیشانەکانی ئەم نەخۆشییە:-
١ـ له‌سه‌ره‌تاى نه‌خۆشیه‌كه‌دا، نه‌خۆشه‌كه ته‌نها به كاركردن یان به رۆیشتن ته‌نگه‌نه‌فه‌س ده‌بێت.
٢ـ قاچیان ده‌ئاوسێت و فشارى ناو خوێنهێنه‌ره‌كانى ملیان به‌رزده‌بێته‌وه.
٣ـ كۆكه‌یه‌كى به‌رده‌وامیان تووش ده‌بێ.
٤ـ شه‌وانه ناتوانن له‌سه‌ر جێگا ته‌خت پاڵ بكه‌ون و له‌كاتى خه‌ودا به هۆى ته‌نگه‌نه‌فه‌سیه‌وه خه‌به‌ریان ده‌بێته‌وه.
٥ـ لەکاتی پاڵكه‌وتندا زیاد له سه‌رینێك یان پشتیه‌ك ده‌خه‌نه ژێر سه‌ر و پشتیان.
٦ـ دابەزی کێشی لەش بەشێوەیەکی خێراو بەبێ هۆکار، هەروەها بوونی ناڕێکی لە لێدانی دڵ و خێرای.
٧ـ لاوازی سێکسی، بوونی کێشەیە لە تەندروستی دڵ.
#رێنمای پزیشکان:-
زۆربه‌ى ئه‌و كه‌سانه یان فشارى خوێنیان به‌رزه یان نه‌خۆشى خوێنبه‌ره تاجیه‌كانیان هه‌یه. پێویسته ئه‌م نه‌خۆشانه و لەکاتی دەرکەوتنی نیشانەکانی تر پشگوێ نەخەن و سەردانی پزیشكى پسپۆر بكەن.
#راگەیاندنی :: تەندروستی چەمچەماڵ
